ఆంధ్రభారతి - తాళ్లపాక అన్నమాచార్య కీర్తనలు - కొలమున మొదలనె గొల్లవారము యీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 72-2
సంపుటము: 5-242

తాళ్లపాక అన్నమాచార్య

రాగము: శంకరాభరణం

కొలమున మొదలనె గొల్లవారము యీ- చలమునఁ బగ నిన్ను సాదించ నేరుతుమా	॥పల్లవి॥
బూతులఁ దిట్టుచు సొలపులఁ జూచేవు మేనిఁ నేతులకంపుల నేము నీ కేలరా యేతులు రేఁపుచు మమ్మునెలయించేవు యేర మాతోనే యింతేసి నేము మాటలు నేరుతుమా	॥కొల॥
కన్నుల నద్దలింపుచు గయ్యాళించేవు వోరి నిన్ను మెప్పించఁ గలేము నేమేలరా వెన్నలుఁ బాలునమ్మేటి వెఱ్ఱివారము యీ- కిన్నెర మీట్ల గిలిగించఁగ నేరుతుమా	॥కొల॥
చేరి నన్నుఁ బోనీనని చేయివట్టేవు యేమీ నేరనివారము నీకు నేమేలరా గారవపు తిరువేంకటగిరివిభుఁడ యీ కూరిమినిట్టే నిన్నుఁ గూడఁగ నేరుతుమా	॥కొల॥