ఆంధ్రభారతి - తాళ్లపాక అన్నమాచార్య కీర్తనలు - ఊరకుంటే నన్ను నుండనియ్యవు ఇంత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 72-3
సంపుటము: 5-243

తాళ్లపాక అన్నమాచార్య

రాగము: శ్రీరాగం

ఊరకుంటే నన్ను నుండనియ్యవు ఇంత పేరుకుచ్చి తిట్ట నన్నుఁ బ్రియమా నీకు	॥పల్లవి॥
బుజముపైఁ జేయి వేసి బుజ్జగించేవు ఇంత- నిజమా నామీఁద నీ కరుణ భజన మొరయ నన్నుఁ బచ్చి సేసేవు ఇంత- గజరుఁజేఁతలకోపఁగలనా యిఁకను	॥ఊర॥
కాలుమీఁదఁ గాలువేసి కరఁగించేవు యింత- మేలా నాతోడి సమేళములు వాలుకచూపుల నాకు వాఁడివెట్టేవు యింత- యేలికవై యిటుసేయనేలా యిపుడు	॥ఊర॥
చక్కఁదనమిది నాది జట్టిసేసేవు నా చెక్కుల రేకలు వ్రాయఁ జిత్తగించేవు చక్కని వేంకటగిరిస్వామీ నీవు యిట్టే దక్కిన నన్నింత సేయఁ దగునా యిఁకను	॥ఊర॥