ఆంధ్రభారతి - తాళ్లపాక అన్నమాచార్య కీర్తనలు - సారెకు నంటకురే జడనందురు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 73-1
సంపుటము: 5-247

తాళ్లపాక అన్నమాచార్య

రాగము: శంకరాభరణం

సారెకు నంటకురే జడనందురు ధీరుఁడాతఁ డున్నతపు దేహియట	॥పల్లవి॥
బాయిటఁ బెట్టకురే పక్షులు పారెడిపొద్దు వోయమ్మ బాలులకు నొప్పదందురు మాయపు బులుగొకటి మచ్చికనీబాలుని చేయిచ్చి యెక్కించుకొనఁ జేరీనట	॥సారె॥
పంచలఁ దిప్పకురే పాములు వెళ్ళేటి పొద్దు కొంచెపుబాలులఁ బైకొనునందురు మించిన పామొకటి మెరసి యీ బాలుని దించక యొక్కించుకొనఁ దిరిగీనట	॥సారె॥
అలమి పట్టకురే అంటఁ గాకుండెడివారు తొలరమ్మ బాలులకు దోసమందురు కలికి యీ తిరువేంకటపతిఁ గదిసిన చెలఁగి వేగమే చీరచిక్కీనట	॥సారె॥