ఆంధ్రభారతి - తాళ్లపాక అన్నమాచార్య కీర్తనలు - ఇచ్చకాలు రమణికి నెంత చేసేవు నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 73-4
సంపుటము: 5-250

తాళ్లపాక అన్నమాచార్య

రాగము: శ్రీరాగం

ఇచ్చకాలు రమణికి నెంత చేసేవు నీ- ముచ్చిమిసేఁతలిన్నియు మూసేటి కొరకా	॥పల్లవి॥
బెట్టుగఁ బెద్దతురుము పెట్టేననుచు నింతి- తట్టుపుణుఁగునెరుల తలదువ్వేవు గట్టిగ నెవ్వతెఁ గూడో కౌఁగిటఁదెచ్చిన నీ- తట్టుపుణుఁగుల తావి దాఁచేటికొరకా-	॥ఇచ్చ॥
గబ్బివై నీపదకము గట్టేననుచుఁ జెలి- గుబ్బల మించుఁజెరఁగుకొంగు దీసేవు వుబ్బున నెక్కడనో వుండి నీవిదె వచ్చిన- దెబ్బలవాట్ల తప్పు దీరేటికొరకా	॥ఇచ్చ॥
ఇప్పుడిట్లనే విడెమిచ్చేననుచు నీవు కప్పురము ఘనముగఁ గడునిచ్చేవు అప్పుడె శ్రీ తిరువేంకటాద్రీశ యీ యింతి చొప్పుదప్ప రతిఁగూడి చొక్కించుకొరకా	॥ఇచ్చ॥