ఆంధ్రభారతి - తాళ్లపాక అన్నమాచార్య కీర్తనలు - పేగుల జంద్యాలు వేసి పెంచపు నమలిపురి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 74-2
సంపుటము: 5-254

తాళ్లపాక అన్నమాచార్య

రాగము: కాంబోది

పేగుల జంద్యాలు వేసి పెంచపు నమలిపురి పాగగాఁ జుట్టిన నా బాఁపనయ్య వీఁడివో	॥పల్లవి॥
బిత్తలై పరువులిడి పిన్నబోడితలతోడ కొత్తబొమ్మచారియై గోచిగట్టెను నెత్తురుదానమునేసి నిండిన జడలతోడ బత్తుఁడైన చక్కని నాబాఁపనయ్య వీఁడివో	॥పేగు॥
కఱవిద్యబాఁపనిచేఁ గఱచె నేరుపులెల్ల గుఱుతుబాఁపనిఁ గనెఁ గొడుకుఁగాను తఱితోడ సందెపొద్దు దప్పనీక జలధిలోఁ బఱపుగాఁ బండిన నాబాఁపనయ్య వీఁడివో	॥పేగు॥
పచ్చియిఱ్ఱి తోలుచొచ్చి బడలి చొరనిచోటు చొచ్చి తెచ్చె వేదాలు చూడరమ్మా మచ్చిక వేంకటగిరి మరిగి నాకౌఁగిట పచ్చనిదోపతి నాబాపనయ్య వీఁడివో	॥పేగు॥