ఆంధ్రభారతి - తాళ్లపాక అన్నమాచార్య కీర్తనలు - ఏ కాలమేది దనకెట్ల సుఖమైయుండు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 74-3
సంపుటము: 5-255

తాళ్లపాక అన్నమాచార్య

రాగము: సామంతం

ఏ కాలమేది దనకెట్ల సుఖమైయుండు - నా కాలవశతఁ దానట్లుండవలనె	॥పల్లవి॥
బలువియోగాగ్ని దలఁపంగ నెట్టిదొకాని చలిగాలి యెండనుచు జాలిఁ బడవలనె వలరాజుకోపమెటువంటిదో పడఁతులకు తలిరాకు చేఁదనుచుఁ దలపోయవలనె	॥ఏకా॥
భావంబు తలపోఁత బలిమెట్టిదోకాని నోవి దోఁపనిచోట నొచ్చెననవలనె ఈ విరహపరితాపమిఁకనెట్టిదో కాని కోవిలల కూఁతలకుఁ గోపించవలనె	॥ఏకా॥
తిరువేంకటేశుకృప తియ్యమెట్టిదొ కాని చిరునవ్వు మోవిపైఁ జెరలాడవలనె సురతసౌభాగ్యముల సొంపులెట్టివొ కాని మురిపెంపుఁ గనుచూపు ముయ్యఁగావలనె	॥ఏకా॥