ఆంధ్రభారతి - తాళ్లపాక అన్నమాచార్య కీర్తనలు - కలిమి నిందరిని దగ్గరుకొరకే - వీఁడె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 74-5
సంపుటము: 5-257

తాళ్లపాక అన్నమాచార్య

రాగము: భూపాళం

కలిమి నిందరిని దగ్గరుకొరకే - వీఁడె సులభుఁడై తిరిగీని చూడరమ్మా	॥పల్లవి॥
భంగపెట్టి గొల్లవారి పాలువెన్నలు దొంగిలించు కొరకే తోవలనెల్లా చెంగలించి చేతులెత్తి చెలఁగుచును- వీఁడె దొంగి దొంగి తిరిగీని తోలరమ్మా	॥కలిమి॥
గుట్టుదీర రేపల్లెకొమ్మలనెల్లా రట్టుసేయుకొరకే రచ్చలనెల్ల గట్టిగాఁ జాటెడి మొలగంటలతోడ- వీఁడె చుట్టపుబాలునివలెఁ జూడరమ్మా	॥కలిమి॥
చెప్పరాని తనమాయచేత నిందరినిఁ గప్పెడికొరకే వేంకటవిభుఁడు కప్పెడి నల్లనియలకలనుదురు-వీఁడె గుప్పెడి ముద్దులు యెత్తుకొనరమ్మా	॥కలిమి॥