ఆంధ్రభారతి - తాళ్లపాక అన్నమాచార్య కీర్తనలు - చెలువపు సేఁతల శిన్నెకా పెద్ద - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 75-3
సంపుటము: 5-261

తాళ్లపాక అన్నమాచార్య

రాగము: సామంతం

చెలువపు సేఁతల శిన్నెకా పెద్ద వలపువేదనల వాడీనయ్యో	॥పల్లవి॥
మొగమునకెగరెడి మొనవాఁడి గుబ్బల- చిగురుఁబెదవులాఁడి శిన్నెకా నిగినిగ మెరిచేటి నీలిమేనివానిఁ- సొగసు చూచి వాని సొలశీనయ్యో	॥చెలు॥
మొగ్గల మొలకల మురిపెపుఁ గన్నుల- శిగ్గుల చిరునవ్వు శిన్నెకా ఉగ్గున రేపల్లె వుసురు గొనేటివాని దగ్గరి తమకానఁ దడవీనయో	॥చెలు॥
చంకల బంగారు చల్లిన మెఱుఁగుల చింకబెదరులాఁడి శిన్నెకా వేంకటపతిఁ గూడి వేడుక తోడుత సుంకుల సోగల సొలశీనయ్యో	॥చెలు॥