ఆంధ్రభారతి - తాళ్లపాక అన్నమాచార్య కీర్తనలు - ఎందాఁకా జాగిది యేలే - తన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 75-5
సంపుటము: 5-263

తాళ్లపాక అన్నమాచార్య

రాగము: ఆహిరి

ఎందాఁకా జాగిది యేలే - తన- అందము లచటనె అయ్యీఁ గాక	॥పల్లవి॥
మృగమదమీతఁడు మెత్తీనిదె మై ధగధగమనఁగాఁ దనకేలే మగువకుచముల చెమట నంటిన యా- పొగరుఁ బరిమళమె పూసీఁ గాక	॥ఏందాఁ॥
బెడిదపుఁ దురుమిదె పెట్టీనీతఁడు తడవుగ నలరులు తనకేలే పడఁతి శిరసునను పైపైఁ జెరిగిన- జడివాన విరులు జారీఁ గాక	॥ఏందాఁ॥
చిమ్ముచు వీడెము సేసీనీతఁడు తమ్ములముమియఁడు తనకేలే కొమ్మ వీడెమిఁక కోనేటప్పఁడు తమ్మివదనమున దాఁచీఁ గాక	॥ఏందాఁ॥