ఆంధ్రభారతి - తాళ్లపాక అన్నమాచార్య కీర్తనలు - బిగ్గెఁ గాఁగలించుకోవే పిరితీయక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 75-6
సంపుటము: 5-264

తాళ్లపాక అన్నమాచార్య

రాగము: శ్రీరాగం

బిగ్గెఁ గాఁగలించుకోవే పిరితీయక నిగ్గుల యాతనిమేను నేఁడే నొచ్చీనా	॥పల్లవి॥
మందరమెత్తినవాఁడు మల్లుల మొత్తినవాఁడు అందపు నీ గుబ్బల వేఁగాన లేఁడా గొందినున్న కుచములు కొనవాండ్లైతేను చెందిన యాతనిమేను చిల్లులయ్యీనా	॥బిగ్గె॥
భూమెల్ల మోఁచినవాఁడు పొడవు దాఁచినవాఁడు భామ నీ మొలనూలు భారమనీనా వోమక యాతనితోడి వుపరిసురతానకు యేమని వేఁడుకొనిన యేల లోఁగేవే	॥బిగ్గె॥
వేంకటనగమువాఁడు వెన్నెలమొగమువాఁడు కింకల నీ చేఁతలకుఁ గిందుపడీనా పంకజవదన నీకుఁ బాయలేక చెనకిన కుంకుమగుబ్బల చెనకులకోపఁడా	॥బిగ్గె॥