ఆంధ్రభారతి - తాళ్లపాక అన్నమాచార్య కీర్తనలు - భావమెరఁగని పడుచా వోసి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 76-5
సంపుటము: 5-269

తాళ్లపాక అన్నమాచార్య

రాగము: ముఖారి

భావమెరఁగని పడుచా వోసి పోవే పోవే పోవే పడుచా	॥పల్లవి॥
మొరఁగు మరఁగు వింత కరఁగుదేనెల- పరచుమాటల పడుచా చురుకు మెరుపు వాలుఁజూపుల కన్నుల కెరలఁ బొడిచి గిలిగించేవే పడుచా	॥భావ॥
కెలపు మలపుఁ బయిఁడి గిలుకుల మట్టెల- బలుపుమోఁతల పడుచా అలపు సొలపు ముద్దులొలుకు నవ్వుల జలుకువలపు మీఁదఁ జల్లేవే పడుచా	॥భావ॥
వెదకి వెదకి తిరువేంకటేశ్వరుఁ బదరి కూడిన పడుచా కదలు గుబ్బల కలికిచేఁతల వుదుటు నడపులనె వొరగేవే పడుచా	॥భావ॥