శృంగార సంకీర్తన
రేకు: 78-1
సంపుటము: 5-277
రేకు: 78-1
సంపుటము: 5-277
తాళ్లపాక అన్నమాచార్య
రాగము: భూపాళం
| ఎందరు వలె నీకింకాను - యీ- యిందరు చాలర యింకాను | ॥పల్లవి॥ |
| మోహపు సతితో ముచ్చటఁ గలసిన- దేహము మనసునిదియ కాదా సాహసమున నది చాలక మదిలో యీహలఁ దిరిగే వింకాను | ॥ఎంద॥ |
| కసరుల మురిపెపు గయ్యాళిసతులతో ఆసురుసురులతో నలసితివి కొసరుచు నాతోఁ గూటమిసేసే- ఎసరెత్తకుమీ యింకాను | ॥ఎంద॥ |
| కాఁకల నటనల- గరగింపుచు నను దేఁకువఁ గూడితి దిమ్మరివై వేఁకపువలపుల వేంకటేశ నీ- యేఁకట దీరదు యింకాను | ॥ఎంద॥ |