ఆంధ్రభారతి - తాళ్లపాక అన్నమాచార్య కీర్తనలు - ఇట్టే నామదిఁ గోపమెచ్చరించేవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 78-2
సంపుటము: 5-278

తాళ్లపాక అన్నమాచార్య

రాగము: ఆహిరి

ఇట్టే నామదిఁ గోపమెచ్చరించేవు వట్టి వలపే నాపై వారించవలెనా	॥పల్లవి॥
మోహపు సంకుటుంగరముల వెలిగోర నా- దేహముపై నునురేక దియ్యఁజూచేవు సాహసివిరా వోరి వెచ్చపు నీవలపులోని- దాహమెల్లా నాతోనే యింతటఁ జూపవలెనా	॥ఇట్టే॥
తళుకుబంగారంచుల దట్టి చీరకొంగుఁ లలర నీమేను నాపైనప్పళించేవు వలదు వోరి వెచ్చపువలపు నీదెల్లాను పలుమారునిట్ల నాపైఁ బూయవల నా	॥ఇట్టే॥
సన్నపుమణుల కుప్పెనసవరము కొప్పు నా- కన్నులు దాఁకఁగ నాపైఁ గడు వీఁగేవు కన్నుల కలికి వేంకటరాయ నీకౌఁగిటి వన్నెలెల్ల నాపై నిటువలెఁ జేయవలెనా	॥ఇట్టే॥