ఆంధ్రభారతి - తాళ్లపాక అన్నమాచార్య కీర్తనలు - ఇన్నియుఁ జేసితి విఁకనేలా నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 79-4
సంపుటము: 5-286

తాళ్లపాక అన్నమాచార్య

రాగము: ఆహిరి

ఇన్నియుఁ జేసితి విఁకనేలా నీ- చిన్నినగవు మూసెర నీచేఁత	॥పల్లవి॥
మఱవకురా నీమాటలు ని- న్నెఱుఁగుదు నిన్నియు నిఁకనేలా మొఱఁగకురా నీమోహము నా- చెఱఁగు మాసెనిదె చెల్లె నీచేఁత	॥ఇన్ని॥
చిందకురా నీ చెలువములు ఇపు- డిందరునున్నారిఁకనేలా కందకురా నీ కాఁకలను యిటు కిందుపడితినిదె గెలిచె నీచేఁత	॥ఇన్ని॥
నొంపకురా నే నొగులఁగా నీ- యింపులు నెరపేనిఁకనేలా జంపుల వేంకటశైలపతీ నా- కెంపుమోవి దక్కెర నీచేఁత	॥ఇన్ని॥