ఆంధ్రభారతి - తాళ్లపాక అన్నమాచార్య కీర్తనలు - ముద్దులు మోమున ముంచఁగను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 82-3
సంపుటము: 5-303

తాళ్లపాక అన్నమాచార్య

రాగము: పాడి

ముద్దులు మోమున ముంచఁగను నిద్దపుఁ గూరిమి నించీని	॥పల్లవి॥
మొల చిరుఘంటలు మువ్వలు గజ్జలు ఘలఘలమనఁగాఁ గదలఁగను ఎలనవ్వులతో నీతఁడు వచ్చి జలజపుచేతులు చాఁచీని	॥ముద్దు॥
అచ్చపుఁ గుచ్చుముత్యాల హరములు పచ్చల చంద్రాభరణములు తచ్చిన చేతుల తానె దైవమని అచ్చట నిచ్చట నాడీని	॥ముద్దు॥
బాలుఁడు కృష్ణుఁడు పరమపురుషుఁడు నేలకు నింగికి నెరిఁబొడవై చాలించి వేంకటాచలపతి దానై మేలిమిసేఁతల మించీని	॥ముద్దు॥