ఆంధ్రభారతి - తాళ్లపాక అన్నమాచార్య కీర్తనలు - పడఁతి నినుఁ దలచి పో పలుకఁడతఁడు, నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 85-1
సంపుటము: 5-320

తాళ్లపాక అన్నమాచార్య

రాగము: సామంతం

పడఁతి నినుఁ దలచి పో పలుకఁడతఁడు, నీ- వెడసినను బ్రాణంబు లెరవులాతనికి	॥పల్లవి॥
వెదచల్లు నీ మోమువెన్నెలలఁ దలఁచిపో పొదలు వెన్నెలబయటఁ బొలయఁడతఁడు ముదిత నీ నెరులు దురుమును దలఁచిపో యతఁడు కొదమతేంట్ల గనిన గుండె జల్లనును	॥పడఁతి॥
లలితాంగి నీ దేహలత దలఁచి పో యిపుడు చెలఁగి వనమునకు విచ్చేయఁడతఁడు వెలఁది నీమోవికావిరి దలఁచి పో యతఁడు తలిరాకు గని గుండె తల్లడంబౌను	॥పడఁతి॥
కోమలిరో నీ యిట్ల కూటములు దలఁచిపో ప్రేమమితరములపైఁ బెట్టఁడతఁడు దీమసపు వేంకటాధిపుఁడుగన యాతనికి సామాన్యసరసతలు సరుకుగావరయ	॥పడఁతి॥