ఆంధ్రభారతి - తాళ్లపాక అన్నమాచార్య కీర్తనలు - చూపులనే సొలసేవు చూడరాదా మమ్ముఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 85-4
సంపుటము: 5-323

తాళ్లపాక అన్నమాచార్య

రాగము: వరాళి

చూపులనే సొలసేవు చూడరాదా మమ్ముఁ గాపురము సేయనీక కారించేవా	॥పల్లవి॥
వదినెంటాఁ బిలిచేవు వద్దు సుమ్మీ యెవ్వరోయి వదినెలు నీకు వాడవారి మరఁది యెదురైతే మొక్కేవు యేఁటికోయి యింతేసి వుదుటులు మాని చక్కనుండనేరవా	॥చూపు॥
అత్తనంటాఁ బిలిచేవు అక్కడ నిక్కడ నీకు అత్తలెవ్వరోయి వూరఁ బొత్తులల్లుఁడా వత్తునంటాఁ జెప్పంపేవు వడదాఁకి కూకులును వత్తులునై పోదుఁగాని వచ్చి చూడరాదా	॥చూపు॥
చీర వెలిగా నవ్వేవు చెల్లఁబో యెక్కడనైన మారుజాతి వారికైన మానములేదా తీరు నీకు నింతేసి తిరువేంకటేశుఁడ కూరిమి యెరిఁగి నన్నుఁ గూడితివౌరా	॥చూపు॥