ఆంధ్రభారతి - తాళ్లపాక అన్నమాచార్య కీర్తనలు - జట్టిగొనెర నిన్ను జవరాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 86-1
సంపుటము: 5-326

తాళ్లపాక అన్నమాచార్య

రాగము: ఆహిరి

జట్టిగొనెర నిన్ను జవరాలు చిట్టంటు చేఁతల జెలఁగితివపుడు	॥పల్లవి॥
వాలుకచూపులు వాడఁగ నాటక- సాలలోన నిను జవరాలు చాలుగ మురియుచు సరుగనఁ జివుకన కాలఁ జిమ్మినను కలఁగితివపుడు	॥జట్టి॥
సొలపుగొనుచు మించుల మొలనూళ్ళ సళుపుల మురిపెపు జవరాలు గలగల గజ్జెలు గదలఁగ నునుఁదొడ బలిమిఁ గదలిచిన బ్రమసితివపుడు	॥జట్టి॥
సొంపగు తల చంచుల మునివేళ్ళ- సంపద నడపుల జవరాలు యింపులు నెరవుచు నిటె నినుఁ గదిసిన కంపించితి వేంకటగిరిరమణ	॥జట్టి॥