ఆంధ్రభారతి - తాళ్లపాక అన్నమాచార్య కీర్తనలు - అద్దిరా చిమ్ముల మాటలప్పటి నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 86-2
సంపుటము: 5-327

తాళ్లపాక అన్నమాచార్య

రాగము: సామంతం

అద్దిరా చిమ్ముల మాటలప్పటి నీకు పెద్దరికాలనె మురిపెములే చిమ్మేవు	॥పల్లవి॥
వద్దన్న మానవు నేనెవ్వతెరా నీకు నీ- నిద్దురచూపులు నాపై నివాళించేవు బద్దులెల్లనేడ నగపడెరా నీకు యీ- ముద్దులమాటలాడుచు మోమే వంచేవు	॥అద్దిర॥
డెందములో నేనిఁకనేఁటికిరా నీకు నీ- యందిపాటుచేఁతల నన్నలయించేవు కిందిచూపులేడ దొరకెరా నీకు నీ- చెందమ్మిచేతుల నాచెఱఁగువట్టేవు	॥అద్దిక॥
బింకములెవ్వతె నేరిపెరా నీకు నీ- కుంకుమపూతలే చెరఁగునఁ గుప్పేవు యింక నిన్నియునేల యిదె నీకు తిరు- వేంకటేశ నాకౌఁగిట వేడుకఁ గూడితివి	॥అద్దిక॥