ఆంధ్రభారతి - తాళ్లపాక అన్నమాచార్య కీర్తనలు - పంతమాడి పిలిచినఁ బలుకదెవ్వరితోడ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 86-3
సంపుటము: 5-328

తాళ్లపాక అన్నమాచార్య

రాగము: రామక్రియ

పంతమాడి పిలిచినఁ బలుకదెవ్వరితోడ యింత వలచిన వలపెందునైనఁ గలదా	॥పల్లవి॥
వెక్కనపు గుబ్బలపైవేసిన కప్పురమెల్ల నొక్కమాటే నీరాయనోయమ్మా మిక్కుటమైన దీని మేనిమీఁది వెక్కచూచి వక్కలాయ గుండె యిట్టి వలపెందుఁ గలదా	॥పంత॥
గుప్పెడి నిట్టూరుపుల కోమలిహరములెల్ల వుప్పరాలెగయఁ జొచ్చెనోయమ్మా వుప్పతిల్లుఁ జెమటల నోలలాడఁగానె మేను నిప్పువలెనున్నదిట్టి నెయ్యమెందుఁ గలదా	॥పంత॥
కొయ్యతనమునిట్టె కోనెటిరాయనిఁ గూడి వుయ్యాలమంచముమీఁదనోయమ్మా పయ్యెదచెరఁగు జారఁ బచ్చిసేఁతలిన్నియును ముయ్యఁజూచీ నిటువంటిమోహమెందుఁ గలదా	॥పంత॥