ఆంధ్రభారతి - తాళ్లపాక అన్నమాచార్య కీర్తనలు - ఎపుడు నాయెడ నీకు నిదివలెనా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 86-4
సంపుటము: 5-329

తాళ్లపాక అన్నమాచార్య

రాగము: భవుళి

ఎపుడు నాయెడ నీకు నిదివలెనా కపటాలు నిజములు కలిగినాతఁడవు	॥పల్లవి॥
వెల్లిగా నీవూర్పు వేదమట వేఁడి చల్లీని శ్రుతికి నుష్ణము గలదా పెల్లుగ నిరువంకఁ బిరువీకులై వేఁడి చల్ద నీదైనా వెచ్చనిది గావలదా	॥ఎపుడు॥
నగు నీమాటలే పురాణంబులట బొంకు దగిలీని చదువులింతయు బొంకులా తెగి యిరువంకలఁ దీదీపులై నీ పొగరుల మాటలెప్పుడును నిక్కము లా	॥ఎపుడు॥
చలివేఁడిచూపుల జాణవట యిట్టె బలసి నాపైఁ బరపఁగవలెనా కలికివై తిరువేంకటవిభుఁడ నన్నుఁ గలయక యలయించి కలిసితివిపుడు	॥ఎపుడు॥