ఆంధ్రభారతి - తాళ్లపాక అన్నమాచార్య కీర్తనలు - కనలకువే మతి కలఁగీని యీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 86-5
సంపుటము: 5-330

తాళ్లపాక అన్నమాచార్య

రాగము: శ్రీరాగం, రచ్చెతాళం

కనలకువే మతి కలఁగీని యీ- వనజోదరుఁడిదె వచ్చీనిపుడు	॥పల్లవి॥
వడిఁ గుచభరమున వ్రాలెడి వేగము నడవకువే సన్నపు నడుము చిడుముడి నన్నుఁ జేసిన గోవిందుఁడు తడయఁడు నిన్నుఁ దగిలీనిపుడు	॥కనల॥
కొప్పువేఁగుననె కుదిసిన మెడ గడు- తిప్పకువే కందెడి సరులు దప్పివొదలఁ బరితాపము నీమై కప్పిన శ్రీహరి గదిసీఁ గాని	॥కనల॥
పొరలుచు నిట్టూర్పులను సురనియెదు వెరవకుమెన్నఁడు వేదనల కరఁగి నీవు వేంకటపతికౌఁగిట మెరసితివిటు కడు మించిన రతుల	॥కనల॥