ఆంధ్రభారతి - తాళ్లపాక అన్నమాచార్య కీర్తనలు - అలికి సంపెఁగ తావి కణఁగినట్టు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 86-6
సంపుటము: 5-331

తాళ్లపాక అన్నమాచార్య

రాగము: ఆహిరి

అలికి సంపెఁగ తావి కణఁగినట్టు తొలఁగీ నుదుట జారి తుమ్మిదల పిల్లలు	॥పల్లవి॥
వెలఁదియారను పాము వెంటఁబెట్టుకొని రాఁగా తలఁకి చంద్రుఁడు వోయి దాఁగినట్టు పలువెన్నె మెఱుఁగుల పయ్యదలోనె దాఁగె చలివేఁడి మెఱుఁగుల చందమామపిల్లలు	॥అలికి॥
కోవిలపలుకుదాడి కోపగించి వెంటరాఁగా తావుల చిగురువోయి దాఁగినట్టు మోవి సూదివాటులై మొనసి కానవచ్చీని మావుల చిగురులోని మాణికాలపిల్లలు	॥అలికి॥
భారమైన విరహతాపపు సూరియుండు రాఁగా తారితారి చకోరాలు దాఁగినట్టు కూరిమి వేంకటపతిఁ గూడిన తమకమున గోరగించీనిదివో చకోరములు పిల్లలు	॥అలికి॥