ఆంధ్రభారతి - తాళ్లపాక అన్నమాచార్య కీర్తనలు - ఎప్పుడు వచ్చునో యంటా నెదురు చూచీఁ బతికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 87-5
సంపుటము: 5-336

తాళ్లపాక అన్నమాచార్య

రాగము: దేశాక్షి

ఎప్పుడు వచ్చునో యంటా నెదురు చూచీఁ బతికి దప్పిదేరు మోముతోడ దాఁచలేదు ప్రియము	॥పల్లవి॥
వేఁటవోయిన మగఁడు వీధి రాఁగాఁ గిన్నెర మీఁటుచుఁదా నిక్కిచూచి మేడపైనుండి గాఁటపు గుబ్బలకొంగు గప్పదు జారిన నింత- అఁటది వలచెనేని ఆఁపరాదు ప్రియము	॥ఎప్పుడు॥
ఇంతి చూడఁగానె విభుఁడేతుల గుఱ్ఱము దోలి చెంతనున్న సతులెల్ల చేతఁజూపఁగా అంతలోనె యాకె తనువంతయుఁ బులకించె పంతపుసతులకైనఁ బట్టరాదు ప్రియము	॥ఎప్పుడు॥
తేఁకువ మెరసి రాఁగా తిరువేంకటేశుఁ జూచి వేఁకపుఁదురుముతోడ విఱ్ఱవీఁగీని కాఁకతోడఁ జిత్తమెల్లఁ గరఁగి నీరై మించె యేఁకట నెవ్వరికైన నెంతగాదు ప్రియము	॥ఎప్పుడు॥