ఆంధ్రభారతి - తాళ్లపాక అన్నమాచార్య కీర్తనలు - అప్పమైన నీయరే యమ్మలాలా నేఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 89-2
సంపుటము: 5-345

తాళ్లపాక అన్నమాచార్య

రాగము: ఆహిరి

అప్పమైన నీయరే యమ్మలాలా నేఁ- డప్పఁ డారగించీనదె యమ్మలాలా	॥పల్లవి॥
వాడుదేరి వదనము వడదాఁక నిందాఁక- నాడివచ్చెఁ జూడరే యమ్మలాల నీడకేఁగనెరఁగఁడు నిక్కపు బాలునివలె ఆడనీడ దిరిగాడీనమ్మలాల	॥అప్ప॥
వెడ్డు వెట్టీనాటలకు విచ్చేసేనని నన్ను- నడ్డములాడకురే యమ్మలాల దొడ్డివారియిండ్లెల్లాఁ దూరి తూరి పారాడీ- నడ్డములు నిడుపులు నమ్మలాల	॥అప్ప॥
వేఁకువజాముననుండి వెయిమారులారగించు నాఁకటికోరువలేఁడమ్మలాల తేఁకువ వేంకటగిరిదేవుఁడైన బాలుఁడిదె ఆఁకతాడువట్టి తీసీనమ్మలాలా	॥అప్ప॥