ఆంధ్రభారతి - తాళ్లపాక అన్నమాచార్య కీర్తనలు - పంతపు బిగువులఁ బదరేవు నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 89-3
సంపుటము: 5-346

తాళ్లపాక అన్నమాచార్య

రాగము: నారణి

పంతపు బిగువులఁ బదరేవు నీ- వంతలు మానుప వసమా వోరి	॥పల్లవి॥
వేఁకపుఁ దురుముల వెలఁదుల యలకల- చీఁకటి దవ్వుచుఁ జెలఁగేవు ఆఁకటి చూపులనలసి మలయు నీ- కాఁకలు మానుపఁగలనా వోరి	॥పంత॥
సన్నపు నగవుల సతుల కపోలపు- వెన్నెలలే యిటు వెదకేవు వన్నెలతనువున వాడుచు నొయ్యన తన్నేవు నేనితరమా వోరి	॥పంత॥
పడఁతుల కుచముల పరిమళపుఁ జెమట- తడిపయ్యెదలను దాఁగేవు కడుఁ గౌఁగిట వేంకటగిరివర నను పుడికెదవంతకోపుదునా వోరి	॥పంత॥