ఆంధ్రభారతి - తాళ్లపాక అన్నమాచార్య కీర్తనలు - ఉవిద తనులత యేఁటి కులికిపడెనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 89-5
సంపుటము: 5-348

తాళ్లపాక అన్నమాచార్య

రాగము: ఆహిరి

ఉవిద తనులత యేఁటి కులికిపడెనే కవ మదనబాణాగ్నిఁ గాఁగదు గదా	॥పల్లవి॥
వనితలావణ్యంపు వదనశశికలములు చనుగిరులపై నేల జారివడెనే వెనకఁ దురమను రాహు వేవేలు రూపులై తనర ముఖచందురుఁడు తలకఁడుగదా	॥ఉవిద॥
మొలకలై గుమురులై ముదితమై మరునంప- ములుకులంతటనేల ముణుఁగఁబడెనే పొలయు మరునస్త్రమటు పుంఖానుపుంఖములు పొలఁతిమీఁదనె రాశివోయఁడు గదా	॥ఉవిద॥
కొమరైన పెనుదండు కుసుమాయుధుఁడు గదలి తెమలి రాకిపుడెట్లఁ దిరుగఁబడెనే విమలాంగికౌఁగిటను వేంకటేశ్వరునిఁ గని భ్రమసి ప్రతిదండనుచు పదరఁడుగదా	॥ఉవిద॥