ఆంధ్రభారతి - తాళ్లపాక అన్నమాచార్య కీర్తనలు - కొండల గుబ్బల నాతో గోరాది గొనేవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 90-1
సంపుటము: 5-350

తాళ్లపాక అన్నమాచార్య

రాగము: ముఖారి

కొండల గుబ్బల నాతో గోరాది గొనేవు కొండల నావులఁ గాచిన కోడెకాఁడఁ గాన	॥పల్లవి॥
వంకలకురులదాన వద్దు నే నీకు మూఁడు- వంకలవెంటఁ దిరిగేవాఁడఁ గాన సంకుమెడదాన నీతో సరివచ్చేనా సంకుచేతి నన్ను నీవు జట్టిగొంటి చాలదా	॥కొండ॥
యేనుఁగు నడుపుదాన నేల నే నీకు తొల్లి యేనుఁగుఁ గాచినవాఁడ యేనుఁగాన మీనుకవగంటిదాన మెచ్చేవా నన్ను మేటిఁ మీననై జలదిలో మెరసినవాఁడను	॥కొండ॥
చీఁకటితురుముదాన చేరకు నన్ను చీఁకటి నల్లనిమేని చెలువుఁడను వేఁకపుఁ బిరుఁదుమీఁద వేయకు చెయి వేఁకమైన భూమిమోఁచే వేంకటవిభుఁడను	॥కొండ॥