ఆంధ్రభారతి - తాళ్లపాక అన్నమాచార్య కీర్తనలు - నెలఁతకుఁ గొండలతిమ్మని నేనిదె తోడ్కొని వచ్చెద - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 90-3
సంపుటము: 5-352

తాళ్లపాక అన్నమాచార్య

రాగము: నాదరామక్రియ

నెలఁతకుఁ గొండలతిమ్మని నేనిదె తోడ్కొని వచ్చెద ఎలనాగలు మీరెందరు నేమరకుఁడి చెలిని	॥పల్లవి॥
వలపుల రెనికి చెంగలువల కొండము చొర మొక్కుఁడి అలులకు పూఁదేనియ సోయగములు మెయికొనుఁడి ఫలరసములు మీఁదెత్తుఁడి పదరి చిలుకలకును గోవిలలకు పొలఁతికి కెందమ్మిరేకులు పోయుఁడు బడిమిగను	॥నెలఁత॥
కట్టుఁడి సన్నపువలిపెము కర్పూరముఁ బన్నీరును దట్టముగాఁ బైనలఁదుఁడి తరుణీమణికి ఒట్టుఁడి జాజులు పరపున నొరపెరిఁగిన చెలికత్తెలఁ బెట్టుఁచి మరుబలములచే బెగ్గిలి పడకుండ	॥నెలఁత॥
చిగురునఁ గెంపులు మొలచెను చిత్రము చూడఁగదమ్మా మొగుడులపైనల చంద్రుని మూఁకలు మరిగినవి మొగమున బిత్తరిచేఁతలు మును లేనివి చెలికబ్బెను మగువయు తిరువేంకటపతి మమతల పరిణతలు	॥నెలఁత॥