ఆంధ్రభారతి - తాళ్లపాక అన్నమాచార్య కీర్తనలు - ఎట్టు ధరియించెనో యీ యింతి హృదయంబు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 90-6
సంపుటము: 5-355

తాళ్లపాక అన్నమాచార్య

రాగము: శ్రీరాగం

ఎట్టు ధరియించెనో యీ యింతి హృదయంబు పట్టనెట్లోపునో ప్రాణవాయువులు	॥పల్లవి॥
వడియుఁ జెమటలనుఁ దుడువఁ గరాని పన్నీట తడియుఁ బయ్యదయుఁ దత్తరమందు మనసు సుడియుఁ దమకములచే సొలయు నలపుల మేన విడియుఁ బులకలు చూడ వెరగైన మోము	॥ఎట్టు॥
మురియుఁదలఁపులును జలమునఁబొదలు మదనాగ్నిఁ నురియుదేహంబు గడు నుదుటుఁగోరికలు విరియు మానంబు నరవిరి సొలపుమాఁటలునుఁ గురియు మోహజలంబు కొదలుఁజూపులును	॥ఎట్టు॥
వెదచల్లునూర్పులును వెలితైన నవ్వులును సదమదంబైన పలుచనిమేనిపూఁత అదన శ్రీ తిరువేంకటాద్రీశు కౌఁగిటను గదిసి యింపులఁ బొదలఁ గలిగె నీ చెలికి	॥ఎట్టు॥