ఆంధ్రభారతి - తాళ్లపాక అన్నమాచార్య కీర్తనలు - ఏమి బాఁతి నేఁడిదె నీకు మముఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 91-3
సంపుటము: 5-358

తాళ్లపాక అన్నమాచార్య

రాగము: ధన్నాసి

ఏమి బాఁతి నేఁడిదె నీకు మముఁ గామించు సిరులింతె కదవయ్యా	॥పల్లవి॥
వెనక ముందర వెలయఁగ ముందర- వెనకలింతే విభవాలు వనితల పిఱుఁదులు వాఁడికుచములు కొప్పు కనుఁగొన భ్రమలింతె కదవయ్యా	॥ఏమి॥
వెలుఁగు చీఁకటి విరసాలు విభవాలు కలిమిలేములే కదవయ్యా పలువన్నె మాటలు పనితేటలు నివి కలవెంత కలలింతె కదవయ్యా	॥ఏమి॥
పగటుగుబ్బలు పాయపునడపులు తగులుమాఁటలు తమకయ్యా తగు వేంకటగిరిదైవమ నీ పొందు తగులు దొరకుటమృతము సోఁకుటయ్యా	॥ఏమి॥