ఆంధ్రభారతి - తాళ్లపాక అన్నమాచార్య కీర్తనలు - మాటలు నేరుతువుగా మాయమ్మా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 91-4
సంపుటము: 5-359

తాళ్లపాక అన్నమాచార్య

రాగము: ముఖారి

మాటలు నేరుతువుగా మాయమ్మా యేఁటికి నాతని నీవే యేలవమ్మా	॥పల్లవి॥
చేయరాని విన్నపాలు నేసిసేసి విభునింత మాయలఁబెట్టితివి గా మాయమ్మా రాయడించి యిఁకను నారాజ్యమెల్ల నీవే నేయవమ్మా నేనేమి సేసేనమ్మా	॥మాటలు॥
ఎందును నీకతఁడు నోరెత్తకుండ మంత్రాలు మందులు నేరుతువుగా మాయమ్మా చెందరాని సుఖమెల్లఁ జెలఁగి యాతఁడు నీవే చెందవమ్మా నాకేల చిన్నదానికమ్మా	॥మాటలు॥
వన్నెల వేంకటపతి వలఁబెట్టి యతనిచే మన్ననఁ బొందితిగా మాయమ్మా నన్నుఁజూడుమిఁకను నీ ననిచిన యతని నే సన్నలఁ జిక్కించుకొంటిఁ జాలదా నాకమ్మా	॥మాటలు॥