ఆంధ్రభారతి - తాళ్లపాక అన్నమాచార్య కీర్తనలు - వలపేడఁ గలిగెనే వామలోచనకు దీని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 92-4
సంపుటము: 5-365

తాళ్లపాక అన్నమాచార్య

రాగము: కాంభోది

వలపేడఁ గలిగెనే వామలోచనకు దీని వలపించి నటువంటివాఁడింక నెవ్వఁడో	॥పల్లవి॥
సిరులు గల మోమెల్ల చిరునవ్వుగనుదోయి విరివైన వురమెల్ల వేఁకమైన గుబ్బలు తరుణికి వెనకెల్లఁ దురుము పిఱుఁదులును మంచి- నిరతంపు నడపెల్ల నిండుమురిపెములు	॥వల॥
జలజాక్షినిలువెల్ల చక్కఁదనముల పోగు కలికితనమెల్లఁ గన్నులపండువు కలకంటివయసెల్ల గడుఁ గోమలము దీని- పలకుఁదేనియలెల్ల పంచదారకుప్పలు	॥వల॥
చెలువైన మోవెల్ల చిలుకవోట్లు దీనిఁ కలదేహమింతయునుఁ గస్తూరివాసనలు అలరించెఁ దిరువేంకటాధీశ్వరుఁడు దీని- తలఁపెల్ల విభునిలో దాఁగున్న కరువు	॥వల॥