ఆంధ్రభారతి - తాళ్లపాక అన్నమాచార్య కీర్తనలు - ఎవ్వతిర ప్రియము నీకింత సేసినది చూచి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 92-5
సంపుటము: 5-366

తాళ్లపాక అన్నమాచార్య

రాగము: కాంభోది

ఎవ్వతిర ప్రియము నీకింత సేసినది చూచి దవ్వుల నిన్నొకమాఁట తగులనాడినది	॥పల్లవి॥
సిబ్బెంపు గుబ్బలమీఁది జిలుగుఁ బయ్యదది గబ్బిచూపు నిన్నుఁ జూచి కన్నుల నవ్వినది బబ్బిలికాయలతోడి పసిఁడిమెట్టెలది జొబ్బిలిన చెమటలచేఁ జొక్కి నిలిచినది	॥ఎవ్వ॥
తొంగలిరెప్పలతోడి తోరపుఁ గన్నులది చెంగటిచెలియచేతఁ జెయివేసి నవ్వినది చెంగలువబంతిచేతఁ జెక్కునొక్కినది వుంగరాలవేళ్ళ నీ కొయ్యనె మొక్కినది	॥ఎవ్వ॥
వీడక వీడని కొప్పువిరులు జారినది వాడక వాడని మోవివన్నెలు దోఁచినది యీడులేని తిరువేంకటేశ నినుఁబొంది యీ- కోడెవయసున నింతి కోరికెలందినది	॥ఎవ్వ॥