ఆంధ్రభారతి - తాళ్లపాక అన్నమాచార్య కీర్తనలు - సల్లుసూపుల సలమారి యిఁక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 93-3
సంపుటము: 5-370

తాళ్లపాక అన్నమాచార్య

రాగము: శంకరాభరణం

సల్లుసూపుల సలమారి యిఁక వెల్లఁ బో నన్ను సెనకఁడుగా	॥పల్లవి॥
సంకు సక్రముల సక్కనయ్యకుఁ దన- వుంకువవో నావొళ్ళెల్లా సంకనున్న తన సదురాలి మొరఁగైన సింకసూపు నాపై సిమ్మఁడుగా	॥సల్లు॥
మాపురేపుసూపు మాయలయ్యకుఁ దన- దాఁపురమువో నాతలఁపెల్లా వీఁపురమణికంత వెఱవకయినఁ దన పూఁపనవ్వు నాపైఁ బుయ్యఁడుగా	॥సల్లు॥
వుసురుఁ బడుకమీఁదనొరగిన్న సక్కని- రసికుఁడు వేంకటరాయఁడు పసపుశీర నాకుఁ బరపుగాఁ బరపించి యెసగ నిట్టె సనవియ్యఁడుగా	॥సల్లు॥