ఆంధ్రభారతి - తాళ్లపాక అన్నమాచార్య కీర్తనలు - మెఱ్ఱో నేననఁగానే మొక్కేవు గాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 93-6
సంపుటము: 5-373

తాళ్లపాక అన్నమాచార్య

రాగము: శంకరాభరణం

మెఱ్ఱో నేననఁగానే మొక్కేవు గాని వెఱ్ఱి నేను వెఱ్ఱి నేను వెఱ్ఱి నేను సుమ్మీ	॥పల్లవి॥
సడ్డలాడఁగానే కడు జారినపయ్యద చూచి యెడ్డ నన్ను జాణఁజేసేవేఁటికో కాని వడ్డివారే వలపుల వన్నెవెట్టనేర నే గొడ్డేరే గొడ్డేరే గొడ్డేరే సుమ్మీ	॥మొఱ్ఱో॥
ఒల్లననఁగానే నన్నునుద్దండపుఁ దుటారాల చల్లలమ్మఁగానే పగ చాటేవు గాని కల్లలాడనేర నీతో కపటాలు నేర నే గొల్లదాన గొల్లదాన గొల్లదానఁ జుమ్మీ	॥మొఱ్ఱో॥
వేంకటేశుఁడ నేనంటా వేసాలఁ బొయ్యేనంటా అంకులచేతులుచూచి యంటితి గాని కంకిగా గుబ్బలమీఁద గాజునఁ దీసేవు నే వుంకువొల్ల నుంకునొల్ల నుంకునొల్లఁ జుమ్మీ	॥మొఱ్ఱో॥