ఆంధ్రభారతి - తాళ్లపాక అన్నమాచార్య కీర్తనలు - దశవిధాచరణం తన్నభవతి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 94-1
సంపుటము: 5-374
సంస్కృతకీర్తన

తాళ్లపాక అన్నమాచార్య

రాగము: కేదారగౌళ

దశవిధాచరణం తన్నభవతి దశవిధావస్థార్థం తే తత్ర	॥పల్లవి॥
స్థాపయిష్యామి వేదానితి వ్యాజేన దీపితోయం మత్స్యదేహ: పురా వ్యాపారోయ మేవం నచ తరుణ్యా రూపజలధౌ కేళిరుచయే తత్ర	॥దశ॥
ధారయిష్యామి మందరమితి వ్యాజేన చారుకచ్ఛప విధాచ. పురా నీరసేయం తవ మనీషా ప్రియవధూ భారకుచమందరౌ భర్తుం తత్ర	॥దశ॥
భువముద్ధరిష్యామి పునరితి వ్యాజేన ధవళ కిటి వైభవం ధత్సే పురా వ్యవహృతిరియం నచ మహామహీకుచతటే తవ దంతక్షతం దాతుం తత్ర	॥దశ॥
దనుజం హరిష్యామి తమితి వ్యాజేన ఘన నారసింహవిక్రమణం పురా దనుజర తవ మహత్త్వం తన్నచ నఖార్జనమిందిరాయా ప్రసర్తుం తత్ర	॥దశ॥
అపరిహరిష్యామి బలిమహమితి వ్యాజేనకపటవామనరూపకలనం పురా నిపుణ ఏవం నఖలు నియతిస్సతీషు తే కపటాచణం ఘటయితుం తత్ర	॥దశ॥
సంహరిష్యామి నృపజనమితి వ్యాజేన బహ్వరుణతోయేప్రాప్తి: పురా సింహవిక్రమణతే స్థితిరియం నచ సతీ విహ్వలత్వం తదా వేత్తుం తత్ర	॥దశ॥
రావణం జేష్యామి రణ ఇతి వ్యాజేన భూవరత్వే తే భోగ: పురా ఏవం నభవతి మహీసుతా విరహంసావధానేన ప్రహర్తుం తత్ర	॥దశ॥
కంసం హనిష్యా మి ఖలమితి వ్యాజేన సంసారోయమాచరిత: పురా హింసాదూర నచ హితమిదం వ్రజవధూసంసరణలీలాం ప్రసక్తుం తత్ర	॥దశ॥
పాతయిష్యే ప్రలంబమితి వ్యాజేనజాతరోషస్య తే జననం పురా భూతరక్షక తే ప్రభుత్వం తన్నఖలు భూతలే రేవతీం భోక్తుం తత్ర	॥దశ॥
బుద్ధో భవిష్యామి పురహృతివ్యాజేన బద్ధరోష ఇతి తేప్రాప్తి: పురా తద్ధితం నహిఖలు తదా వధూహస్త సిద్ధ ప్రసారేణ సేవితుం తత్ర	॥దశ॥
మారయిష్యామి కలిమతమితి వ్యాజేన క్రూర కల్క్యవతారకోప: పురా ధీర వేంకటనగాధీశ ఏవం నఖలుభీరుముర్వీంసంప్రీణయితుమత్ర	॥దశ॥