ఆంధ్రభారతి - తాళ్లపాక అన్నమాచార్య కీర్తనలు - ఎంత సేయఁగ నేరదింతి గోపించినను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 94-2
సంపుటము: 5-375

తాళ్లపాక అన్నమాచార్య

రాగము: ముఖారి

ఎంత సేయఁగ నేరదింతి గోపించినను కంతుని గెలిపించెను ఘనుఁడైన విభుని	॥పల్లవి॥
సతవింత తాపాన చందురుఁడేఁపఁగఁ బో ప్రతిచందురుండాయ పడఁతిమోము అతివఁ గోవిలకూఁతలలయించఁగాఁ బో తతిఁ గోవిలలకూఁత తానాయఁ బలుకు	॥ఎంత॥
మలయానిలుఁడు దన్ను మలసి యేఁచఁగఁ బో చెలివూర్పు చిరుగాలిఁ జిత్రెంచెను తలపోఁతచింత చిత్తము సేయఁగాఁ బో కలికిచిత్తము పతికడకంటెనిపుడు	॥ఎంత॥
తిరుగఁ జంద్రుఁడు తన్ను తిలకించగాఁ బో ధరియించెఁ గుచముల తానతని తిరువేంకటగిరిదేవునికౌఁగిటి- సిరులఁబో యిన్నిటాఁ జెలువాయె నిపుడు	॥ఎంత॥