ఆంధ్రభారతి - తాళ్లపాక అన్నమాచార్య కీర్తనలు - నిన్నుఁ గూడిన విభుని నిలువెల్ల సొంపాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 94-3
సంపుటము: 5-376

తాళ్లపాక అన్నమాచార్య

రాగము: ఆహిరి

నిన్నుఁ గూడిన విభుని నిలువెల్ల సొంపాయ నిన్నియును నొనగూడె నింతలోపలనె	॥పల్లవి॥
సొలపు నీ కడగంటిచూపు హృదయము గాఁడి లలినితఁడు శ్రీవత్సలాంఛనుండాయ వెలఁది నినుఁ బెడఁ బాసి విరహంపుమెయికాఁక - వలన నీతఁడు నీలవర్ణుఁడైనాఁడు	॥నిన్ను॥
అదన నీ చనుగుబ్బలను చక్రముల చేతఁ బదిలపరపుచు చక్రపాణియైనాఁడు సుదతి నీ దేహమున సొబగు కుంకుమపూఁత- లెదిగి పీతాంబరంబీతనికి నాయ	॥నిన్ను॥
ఆలింగనాపేక్షననయంబు నినుఁగూడ లోలుఁడటుగాన నాలుగుచేతులాయ శ్రీలలితమూ ర్తియగు శ్రీ వేంకటేశ్వరుఁడు పాలించె నిను నీకుఁ బరితోషమాయ	॥నిన్ను॥