ఆంధ్రభారతి - తాళ్లపాక అన్నమాచార్య కీర్తనలు - కందువ నేఁడెందరైనాఁ గలరు నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 94-4
సంపుటము: 5-377

తాళ్లపాక అన్నమాచార్య

రాగము: ముఖారి

కందువ నేఁడెందరైనాఁ గలరు నీకు యిందరిలో నాప్రియ మీడేరీనా	॥పల్లవి॥
సన్నలు సేసేటి వారు సరసమాడేటివారు కన్నుల మొక్కేటివారు గలరు నీకు విన్ననై యిందరికిని వెరవనే కాక నాఁ విన్నపమెంతైన నీకు వినఁదీరీనా	॥కందు॥
తేఁకువఁ జేరేటివారు తేనెల మాఁటలవారు కాఁకలు సేసేటివారు గలరు నీకు యేఁకటనిందరికడ నెడతాఁకనేకాక సోఁకనాడే నావంక చూడఁగూడీనా	॥కందు॥
ముద్దులు గునియువారు ముచ్చటలాడెడివారు గద్దించి తిట్టెడివారు గలరు నీకు తిద్దిన నీవిద్యలివి తిరువేంకటేశ నా- వొద్దఁ గూడి యిట్ల నీకు వుండఁగూడీనా	॥కందు॥