ఆంధ్రభారతి - తాళ్లపాక అన్నమాచార్య కీర్తనలు - ప్రాయంపు మదములే పరిణామము మతిఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 42-2
సంపుటము: 6-2

తాళ్లపాక అన్నమాచార్య

రాగము: భైరవి

ప్రాయంపు మదములే పరిణామము మతిఁ బాయని రమణికి నీపై నెంత వలపో	॥పల్లవి॥
తుమ్మిపూవుఁగొలనిలో తరుణులుందాము మిండ తుమ్మెద లీఁదులాడంగ దొంగి చూచి కొమ్మ నినుఁ గూడి కేళాకూళితోఁ గస్తూరినీట నిమ్ముల నోలలాడిన దెటువంటి వలపో	॥ప్రాయ॥
కొదమమావిపై గండుఁగోవిల లేఁజిగురాకు ముదిత కందీఁగా ప్రేమమునఁదాఁజూచి అదివొ యుప్పరిగెపై నాకుమడిచి నీ వీఁగా వదనాన నందుకొనె వడి నెంత వలపో	॥ప్రాయ॥
నెయ్యంపుఁ జకోరము వెన్నెల రస మింతినోర నొయ్యనె కుమ్మరించంగ నువిదచూచి కయ్యంపుంగూటమిని వేంకటేశుండ తమ్మరస మియ్యంగఁ జొక్కితివి నీ విపుడెంతవలపో?	॥ప్రాయ॥