ఆంధ్రభారతి - తాళ్లపాక అన్నమాచార్య కీర్తనలు - రమణి నేర్పు నేరములాయె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 42-3
సంపుటము: 6-3

తాళ్లపాక అన్నమాచార్య

రాగము: భైరవి

రమణి నేర్పు నేరములాయె జమళి విధుల సరసపు విభుఁడా	॥పల్లవి॥
తెఱవకు నంపిన తెల్లని కలువలు మఱపున కెందామర లాయె నెఱుఁగము నీవిపు డింతచేతువని కఱతలకలికివి గా విభుఁడా	॥రమణి॥
మగువకు నంపిన మకరంద మిచ్చటి జిగి దొలంకేటి చిఱుచేఁదాయె అగు నీ యెకసక్యమ్ముల మాటల వగ నెఱజాణండవా విభుఁడా	॥రమణి॥
చెంతల ముత్యపుం జిప్పల తోయము లంతలోనె ముత్యములాయె సంతత కరుణా జలనిధి లక్ష్మీ కాంతుఁడవఁట వేంకట విభుఁడా	॥రమణి॥