ఆంధ్రభారతి - తాళ్లపాక అన్నమాచార్య కీర్తనలు - ఆరగింపవో మాయప్ప యివే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 42-4
సంపుటము: 6-4

తాళ్లపాక అన్నమాచార్య

రాగము: కాంబోది

ఆరగింపవో మాయప్ప యివే పేరిన నేతులు పెరుగులును	॥పల్లవి॥
తేనెలు జున్నులు తెంకాయ పాలును ఆనవాలు వెన్నట్లును నూనె బూరెలును నురుగులు వడలును పానకములు బహు ఫలములును	॥ఆర॥
పరమాన్నంబులు పంచదారలును అరిసెలు గారెలు నవుగులును కరజికాయలును ఖండమండెఁగలు పరి పరి విధముల భక్ష్యములు	॥ఆర॥
కడు మధురంబగు కమ్మఁబూరణపుఁ గుడుములు నిడ్డెన కుడుములును సుడిగొనునప్పాలు సుకినప్పాలును పొడి బెల్లముతోఁ బొరఁటుచును	॥ఆర॥
కాయపు రుచులకు గనియగు మిరియపుఁ గాయలు నేలకి కాయలును పాయరానియంబాళపుఁగాయలు నాయతమగు దధ్యన్నములు	॥ఆర॥
ఒడికపుఁ గూరలు నొలుపుఁబప్పులును అడియాలపు రాజాన్నములు బడిబడిఁ గనకపుఁ బళ్లెరములతోఁ గడు వేడుక వేంకటరమణా	॥ఆర॥