ఆంధ్రభారతి - తాళ్లపాక అన్నమాచార్య కీర్తనలు - అల్లవాఁడెవో అతివరో కడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 42-5
సంపుటము: 6-5

తాళ్లపాక అన్నమాచార్య

రాగము: సామంతం

అల్లవాఁడెవో అతివరో కడు పెల్లైన ముత్యాలపేరులవాఁడు	॥పల్లవి॥
తెప్పమీద నున్న వాఁడు తెల్లని కన్నులవాఁడు దుప్పటి కంకుమనీటఁ దొప్పందోఁగినాడు పుప్పొడి మేనెల్లనిండఁ బూవులవేట్లాడి కప్పురగందులనెల్లం గరఁగించినాఁడు	॥అల్ల॥
క్రుమ్ముడి జారిన వాఁడు కోమలి చిమ్మనం గ్రోవి చిమ్మెడి పన్నీట మోము చెమరించువాఁడు కమ్మని కస్తూరి బొట్టు కరఁగిచెదర కను దమ్ముల నలుపు చూపు దైవాఱువాఁడు	॥అల్ల॥
మంచి మంచి మణులు దాపించిన గద్దియ మీఁద అంచగమనలుం దాను నాట చూచువాఁడు మించిన కోనేటివాఁడు మెరసి వైభవముల నెంచంగల తిరువేంకటేశుండనువాఁడు	॥అల్ల॥