ఆంధ్రభారతి - తాళ్లపాక అన్నమాచార్య కీర్తనలు - అతను సంపదకంటె నసదా చెలిరూపు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 43-1
సంపుటము: 6-7

తాళ్లపాక అన్నమాచార్య

రాగము: శంకరాభరణం

అతను సంపదకంటె నసదా చెలిరూపు మతిచింతచేత వేమరు నలఁగెఁ గాక	॥పల్లవి॥
తగుఁ జందురుని నణఁచఁ దగదా చెలిమోము వగలచే నొకయింత వాడెఁగాక పగటుఁగోవెల మించి పాఱదా సతి పలుకు జగడమునఁ బతిఁబాసి సన్నగిలెఁ గాక	॥అతను॥
కదలు గందపు గాలి గా(వ?)దా చెలియూర్పు కదిమేటి మదనాగ్నిఁగ్రాఁగెఁ గాక కొదమ తుమ్మెదగమికిఁ గొఱఁతా చెలితురుము చెదరి మరుబాణముల చే జాఱెఁగాక	॥అతను॥
లీలఁబన్నీటికిని లేఁతా చెలి చెమట లోలిఁ బూఁబానుపున నుడికెఁగాక యేలచిగురునకంటె నెరవా చెలిమోవి గేలి వేంకట విభుఁడు గీలించెఁగాక	॥అతను॥