ఆంధ్రభారతి - తాళ్లపాక అన్నమాచార్య కీర్తనలు - తొల్లిటివలెఁ గావు తుమ్మెదా యింక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 43-3
సంపుటము: 6-9

తాళ్లపాక అన్నమాచార్య

రాగము: శ్రీరాగం, ఏకతాళి

తొల్లిటివలెఁ గావు తుమ్మెదా యింక నొల్లవుగా మమ్మునో తుమ్మెదా	॥పల్లవి॥
తోరంపు రచనల తుమ్మెదా కడుఁ దూరేవు గొందులే తుమ్మెదా దూరిన నెఱఁగవు తుమ్మెదా మమ్ము నోరగఁజూడకువో వో తుమ్మెదా	॥తొల్లి॥
తొలు ప్రాయపు మిండ తుమ్మెదా కడుఁ దొలిచేవు చేఁగలే తుమ్మెదా తొలుకరి మెఱుఁగనే తుమ్మెదా యింక నులికేవు మముఁగని వో వోతుమ్మెదా	॥తొల్లి॥
దొరవు వేంకటగిరి తుమ్మెదా మా తురు మేల చెనకేవు తుమ్మెదా దొరకె నీ చనవులు తుమ్మెదా యింక నొరు లెఱింగిరి గదవో వో తుమ్మెదా	॥తొల్లి॥