ఆంధ్రభారతి - తాళ్లపాక అన్నమాచార్య కీర్తనలు - సతికి నిటువంటి రాజస మేల కలిగెనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 43-6
సంపుటము: 6-12

తాళ్లపాక అన్నమాచార్య

రాగము: ఆహిరి

సతికి నిటువంటి రాజస మేల కలిగెనే తతిగొన్న విరహాగ్ని ధరియించలేదు	॥పల్లవి॥
తోరమగు భారంపు తురుమేల కలిగెనే నారీమణికి మెఱుఁగు నళినముఖికి వైరంపు మరుని నెవ్వగల బాణాగ్నిచే జారఁగా పలుమారు సవరించ లేదు	॥సతికి॥
వెలఁదికి జఘనంపుఁ వ్రేఁగేల కలిగెనే కలహంస గమనమునఁ గదల లేదు నలికంపు నడుము సన్నమున నవకపు మణుల మొలనూలు జారఁగా మోవనే లేదు	॥సతికి॥
ఇంతికిని చక్కఁదన మింతేల కలిగెనే వంతఁ బొరలించు యౌవన మదమున ఇంత లోననె వేంకటేశు కౌఁగిటఁగలసి మంతనపుఁ బరవశము మతిఁ దెలియలేదు	॥సతికి॥