ఆంధ్రభారతి - తాళ్లపాక అన్నమాచార్య కీర్తనలు - కనుమూసెఁ గదె దీని గరువంపుఁ దెలివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 44-1
సంపుటము: 6-13

తాళ్లపాక అన్నమాచార్య

రాగము: బౌళి

కనుమూసెఁ గదె దీని గరువంపుఁ దెలివి చనుదోయి పైకొంగు జారిన నెఱుఁగదు	॥పల్లవి॥
తలకెక్కెఁగదె దీని తనువికారములు పొలుపైన నెరులు కొప్పున జారెను చలి ముంచెఁగదె దీని జవ్వనపు మదము పులకజొంపములచేఁ బొరలెక్కె మేను	॥కను॥
వడదాఁకెఁగదె దీని వాల్ గన్నుఁగొనలు చిడుముడి ముచ్చటతో సిగ్గువడీని బడిదప్పెఁ గదె దీని పలుకుఁదేనియలు తడఁబాటుతోడ చిత్తము దాఁచెనిపుడు	॥కను॥
కసరెక్కెఁగదె దీని కస్తూరి చెమట అసలుఁ గుంకుమ తోడ నలరీని మేన ఉసురెక్కెఁగదె దీని యొరుపు నూరుపుల పొసఁగి వేంకటపతి పొందు దెలిపెడిని	॥కను॥