ఆంధ్రభారతి - తాళ్లపాక అన్నమాచార్య కీర్తనలు - వలపుల దాడి వచ్చె వనితలారా మరుం - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 44-4
సంపుటము: 6-16

తాళ్లపాక అన్నమాచార్య

రాగము: కాంబోది

వలపుల దాడి వచ్చె వనితలారా మరుం- డెలగోలేయంగఁ జొచ్చె నేలాగే	॥పల్లవి॥
తూరుపునం బొడిచెఁ జందురుఁడు మిన్నుల మోవ పాఱుతెంచె విరహుల బందికాఁడు గోరపు వెన్నెల వెల్లి గొని మీఁదమీఁద నిప్పు లేఱై పారఁగఁజొచ్చె నెందు చొత్తమే	॥వలపు॥
చందనపుఁ గొండ వంక చల్లగాలి తుదముట్టి ముందు ముందె కదిసె దుమ్ములు లేవఁగా మందమై పన్నీటి సోన మందు చల్లె నమ్ములై యెందు చూచినఁ దానె యేమి సేతమె	॥వలపు॥
క్రొచ్చి పారె గుబ్బచన్నుఁ గొండల చెమ్మటనీరు రొచ్చుగం గరి దరులు జారఁగా పచ్చిగా వేంకటగిరి పతి యింతిఁ గూడఁగాను ఇచ్చకాలె గనమాయె నింక నేఁటిదే	॥వలపు॥