ఆంధ్రభారతి - తాళ్లపాక అన్నమాచార్య కీర్తనలు - వలదన నొరులకు వసమటవే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 44-5
సంపుటము: 6-17

తాళ్లపాక అన్నమాచార్య

రాగము: సామంతం

వలదన నొరులకు వసమటవే తలఁచినట్ల నిది దైవమే చేసె	॥పల్లవి॥
తరుణి కుచములను తామర మొగుడలు విరిసేనోయని వెరపునను సరగునఁ బతి నఖ చంద్రశకలములు దరులఁ గలుగ నివి దైవమె చేసె	॥వలద॥
పొలిఁతి వదనమును పున్నమ చంద్రుఁడు బలిమి నెగయునని భయమునను మెలఁత చికుర ధమ్మిల్లపు రాహువు తలఁ జెదరఁగ నిది దైవమే సేసె	॥వలద॥
వనితకు వాడునొ వలపు తాపమున తనులతికయనుచుఁ దమకమున ఘన వేంకటపతి కౌఁగిట చెమటలఁ దనివి దీర్చనిది దైవమె సేసె	॥వలద॥